Froso: Kul yawmo

Zabno: beyn da 2 tebe du yawmo

Shoctho: 20.18

Leshono: Surayt Madenhoyo u Surayt Macerboyo

Itahrazto d'Ylup Lishanukh / Ylaf Leshonukh tahrazto cateqtoyo demsharyowa ba 2005 bu shuroyo d'Suroyo TV ham bu macerboyo (Malfono Shabo Bozan) u bu madenhoyo (Sabri Y. İsho u Martin S. Talia).

Amalfone du leshono d'Surayt kemawlefiwo uqroyo wi kthawto du lishonaydan b'tahrazto greshto bu studaydan; kul ha b'zabno u yawmo mshahelfo du froso.

Elo bu siqumo d'29.09.2008; naqla hreto mido li ido me Sargonta Oshana demmshahlafla ukonseptayda u d'huwlale shekel hatho. Bu konsept hathano d' Ylup Lishanukh / Ylaf Leshonukh, maqemla ugrosho du studio wu mtayabla masedre karye b'serto cam qolo. Kul masedro khobesh 5 sertotho dekmeqroyi ham bu leczo madenhoyo u ham bu leczo macerboyo. Wu frosayde, kul yawmo beyn da tebe du madenhoyo wa tebe du macerboyo'yo.

Unisho hatho di tahrazto d' Ylup Lishanukh / Ylaf Leshonukh, dmitahwe wu dmisharer du leshonaydan HA'yo elo b'2 lecze mshahelfe; de kthawto hdo'yo elo b'font mshahelfo, wu yulfono da khabre sharire bu lishonaydan'yo. Awkith b'karyoyith, dmitawfeqi amamle da faloghe du camo Kaldoyo-Suryoyo-Othuroyo lu khalyo wu dmitahwe yulfono shariro lu camo d'hwule yulfono u mdinoyutho l'britho kulla bu dacbar.

Tabcan utuyobo di tahraztathe d'1 qatento, lo sim balhude me Sargonta Oshana, elo tlibo mcadronutho ma malfone du leshono d'Surayt; bu madenhoyo malfono Sabri Y. Isho wu naqlat Poles Denkha wu bu macerboyo Malfono Kifo Maqsi Bahhe. Elo umabuco qamoyo du fulhono di tahraztathe bu konseptayda uhatho, snidowa cal leksiqon d'Malfono Hasyo Toma Awdo.

14.10.2009 imeshteylonutho di tahrazto d' Ylup Lishanukh / Ylaf Leshonukh hiwo l'Maysun Moussa demdawmola hollu yarho da 7 di shato da 2011.