U rishqutno d’Fransa Nicolas Sarkozy mestaqbele bu qusrayde i qadishutho du fateryarkho di cito Suryoyto Marunoyto Mor Bshara Betres Alraci. Bi ytawtathe dedreshlen eba i ctidutho da mshihoye bu madenho mescoyo, u rishqutno Sarkozy mawdacle deksoned a’haye demoqratoye la came mshahelfe kulle.

Adyawma u fateryarkho Mor Bshara Betres Alraci cam tashdarto mi cito Suryoyto Marunoyto umu tboco froso d’Lebnon mabdele socurutho li erishkoyto Franshoyto Paris, u mestaqbel bu qusro d’Elize mu rishqutno Sarkozi.

Bi ytawtathe demdawamla 45 qatinotho, Sarkozy u Alraci dreshlen a’shushote hathe dkowen adyawma bu madenho mescoyo, i aykanoyutho da Mshihoye uda haylawotho emwothoye Yonifel b’Lebnon, u sutoro da qalilwotho bu madenho udreshlen ste dleklozem dlo mitestacmel u haylo khed shroyo la qetre.

Bcayni zabno fateryarkho Alraci mawdacle deksoned u bethdino tibeloyo dkemcaqeb i sbutho du qatlo du rishwazire dmeqem Rafiq Alhariri bnisho dnefqo i shrorutho li holo, u semle qroyto li mdabronutho d’Fransa ulu kensho tibeloyo dlo malizi bu myodo da fusqone dkebci mshahelfi a’rejime Caraboye wu mshayele “hal ahna azolena b’Suriya laf qrobo gawoyo bayn da Sunna uda SHica”.

Camgabedathe fateryarkho Alraci mathkarle dlektecno i socuruthayde l’Fransa tarmitho  folitiqoyto, elo balhude qoled du camo Lebnonoyo kemmathel, callathe m’akadle dlekmaqbel dmisem haqseziyat mqabel da haylawotho d’Yonifel dekfelhi bu taymno d’Lebnon.

Lfuth di sferyawmo Lebnonoyto Aldiyar, fateryarkho Alraci mqadamle lu rishqutno Sarkozy i hzaytayde dfoyesh Lebnon mhaydo b’sistem di federaliye bshart dmitahwe la dukotho da Mshihoye a’Diloyothaththe. Bcayni zabno shamec li hzayto d’Fransa calu shuwolo “Urifi u Amerika layna duktho kebci demhalkhi u qlimo du madenho mescoyo”.

Mkhasra hreto, Sarkozy bu mamlo dsemle lu tboco froso bether mi ytawtayde camu fateryarkho Alraci mawdacle deksoned a’haye di nasihutho udi demoqratoyutho lkulle a’came de britho.