U hasyo di cito Suryoyto Ortodoksoyto Mor Qurilos Afram Karim semle socurutho li qadishutho du fateryarkho di cito d’Madenho d’Othuroye Mor Hanenyo Denkha Rbicoyo. Bi lqoytathe dsimo bnisho dmitaqwen anesore beyn da tarte citotho ahwotho, drishoste i ithutho du camaydan bu madenho mescoyo.

Bi shabtho dshafecina i qadishutho du fateryarkho di cito d’Madenho d’Othuroye Mor Hanenyo Denkha rbicoyo mestaqbele bu qentruneyde u fateryarkhoyo dketyo b’SHikago, i mcalyutho du hasyo di marcitho d’Amerika i madenhayto di cito Suryoyto Ortodoksoyo Mor Qurilos Afram Kerim.

Bu shuroyo di lqoyto Hasyo Afram Karim nqile ashlome di qadishutho du fateryarkho di cito Suryoyto Ortodoksoyto Moran Mor İghnatyos Zakay Qadmoyo, li qadishutho Mor Denkha rbicoyo.

Bi socuruthathe Mor Qurilos, u Mor Denkha dreshshe cala esore beyn di cito d’Madenho d’Othuroye wi cito Suryoyto Ortodoksoyto dketne ahwotho. Bcayni zabno dilonoyith kalen cala darbone dkiben dmaqwen anesore dbeyn da tarte citothani.

Mkhasra hreto iqadishutho du Fateryarkho Mor Denkha, wi mcalyutho du Hasyo Mor Qurilos bi lqoytaththe, mshalatlenste bahro cali aykanoyutho du madenho mescoyo, u mahwelen ilo thnihuthaththe calu dactith du camaydan bu qlimo.

Bi harayto di lqoyto i Qadishutho d’Mor Denkha tleble hemono tobo lu fateryarkho di cito Suryoyto Ortodoksoyto.