I sictho dan esore di baroyutho d’Amerika, bi harayto, maqbele irmoyto dektulbo m’Turkiya, dmitadecri amulkone wa citotho dmidi ma Mshihoye, la moraththe ashershoye. Bu quwolo dsim, b’43 qole E, mqabel dha qolo Lo, maqbelo irmoytathe demqadmo ma mmathlone Howard Herman, David Cicilline u Ed Royce.

Athmel bu quwolo dsim bi sictho dan esore di baroyutho d’Amerika, maqbelo irmoyto demqadmowalen Howard Berman u David Cicilline, leshan dmetleb me Turkiya dma’decro acitotho da Mshihoye dmahetwola meqem ido calayye, ubcayni zabno dembatlo u isticmal du haylayada cala qalilotho Mshihoyani dekhoyen b’Turkiya. 

Bi maqrehonutho defriso cali sbuthathe kmitawdec a sababe di rmoytathe demqadmo, ukmitamer; Amerika kebco dsaymo usutoro, udemhafdo a zedqe umthoye, tawdithoye u etnikoye da ghrobe mshahelfe dbritho kulle.

Bi rmoyto hawkha kmitawmer; ktulbina m’Turkiya, d’nutro iyortutho Mshihoyto wu dma’decro amulkone da citotho da Mshihoye dmahetla ido aclayye. Amerika ktucno ghamo cali aykanoyutho da came Mshihoye dekhoyen bi qutnutho Turkoyto, cala zedqe tawdithoythathe u dqudri dmashen ihaymonuthathe b’nihutho. A citotho, a dayre, a madrashyotho, a botaykrihe, a qoyumyotho, a dukotho catiqothathe wa mulkone da dukotho tawdithoye gawonoye da Mshihoye, klozem dhowelen statu qonunoyo b’Turkiya.

Bi rmoyto kmiakedste; Lfuth u Deklarasyon Tibeloyo da zedqe noshoye-UDHR, kull nosho ketle zedqo li hirutho du renyo, du etik, di tawditho. Elo camaniste kull nosho ketle hirutho demshahlef itawdithayde aw ihaymonuthayde udmashe uyulfonayde. Ubether med Turkiya mdela tahte du deklarasyonano, klozem demhalkho lfuth aprensipayde.

Mkhasra hreto mawdec; Ba tahrazyotho dmafiti la hayye mi mamlakhtho qshitho da Cothmanoye, qtil zed me 2 milyone Kaldoye-Suryoye-Othuroye, Armnoye u Pontus-Yawnoye. Bether ma tahrazyotho sistematikani dmashen aclayye, umenyonaththe naqesh ghalabe bu qlimo. Hatta a qalilotho dfayesh’ste mzawri bu hefodo di yortutho wi tawdithaththe i Mshihoyto b’Terkiya. Calathe, Turkiya ktucno imshalutho du tehriwano udi gnune dhawyo cala timoyotho da Mshihoye.

Kmitawmer; ba tashrore dmatin lidothayna me dukotho mshahelfothoste; Turkiya cal dekmashyo tuhmonoyutho, ulo tolerans, a tehdide ugher sheklat de hbose, a Mshihoye dfayeshi ba dukothatheste, mi zuctho fayesh  kmegroshi dmacishi acadat, imardutho wu ihaymonuthathe. Calathe bi rmoyto dmaqbelo mu Mawtbo da mmathlone d’Amerika amdoneni kmetlobi mi sheltonutho Turkoyto,

1. Demyaqro imshalutho dketla ba qyome Emwothoye da zedqe noshoye, udmakelyo kull shekel de frishutho tawdithoyto dekmisomo.
2. Dmitadecri acitotho la Mshihoye, dlo tehito dqonune b’qamuthayye. Dmicadri bu tuyobo du yulfono la mshale ruhonoye, bu futoho d’dukotho kenshoye utawdithoye, u wazirwotho leshan imcadronutho da faqire ula fulhone tawdithoyaththe.
3. Dmitadceri acitotho, adukotho di slutho, adayre, amadrashyotho, abotaykrihe, a qoyumyotho, a dukotho catiqe, a dukotho mqadshe, iamnoruthatho, akthawyotho, atharathe, umal wa mulkone gawonoye la moraththe ashershoye.
4. Acitotho wa dukotho da Mshihoye dmetren la Mshihoye dlo tehito dqonune aw mnoce be qamuthayye, elo dmicadri ubkulhaqlo leshan adukothani kulle dmihafed aclayye.

Turkiya leshan di rmoytathe dlocebro bu yawmoyo du mawtbo da mmahlone d’Amerika mafetwola li harake a shutosayda dketne b’Amerika, u semwola kampanyat mshahelfe. Elo a lobiye deksendi E rmoytathe dketla asirutho me qariwo camu camaydan bu fulhono demmashelen, maten lu nishaththe.