U camo d’Libya mcayadle u yawmo shatonoyo du tedriyo du rejim diktator d’Mucammar Qaddafi. Me gabo hreno nafeq li holo bether med khaliso i mdabronutho d’Qaddafi, u camo d’Libya ocdo kobec mdabrono qawyo.

Bu yawmo shatonoyo qadmoyo du tedriyo di mdabronutho d’42 eshne du rejim d’Qaddafi dnafel, menyono celoyo dcamo bidothayye othwotho nafiqi la zabuqone da mdinotho u mahwelen i fsihuthaththe.

U camo dkarekh ba radoyutho da shquqone mascaqle a slogane, “ Libya herto”, u “tihe Libya,”. Ba mamle dsimi mqadem tawdiyotho bi qamayto lu mawtbo umthoyo, u mmathkeri a sohde dnafili bu qawmo d’Libya.   

Me gabo hreno ba hshowe dsimi mi bethsawbo d’Binghazi calu shwolo “ Libyoye bgawed d’5 eshne lmen kette sniqutho,” 25% merlen “ Urishono qawyo u ihidoyo”, 23% merlen “ mdabronutho dekmishaklo ma mdabrone di dawle”.

Be qlime mshahelfe du athro 2100 yaqrotho meshtawtaffe lu hshowano. Mani belhude 12% tlebbe demoqratoyutho khudu macerbo.

21,8% ma meshtawtefone dlu hshowano abici Libya dmaydo mathlo a Imarat Caraboye, 8,6% ste mahwelen Qatar mmathlo, u belhude 4,6% tlebbe Libya dmaydo mathlo Amerika l’ruha.

Bi sagiyutho du camo dmeshtawtafle lu hshowano kmeftaker bu tedriyo d’Qaddafi Fransa u Qatar hawilen dawor, 60%'ste kemmi Jezayir hawi u athro dbu noquso dmeshtacele dawro bu tedriyo d’Qaddafi.