Kul shato kmoyeth 2,6 milyone d’tloye mu kafno. U kafno bcemro nacimo, kkholeq kewe nafshonoye ugushmonoye dekiben deme athri cal jil kamilo. Imawdconuthathe, friso bu tashroro shatonoyo du tukoso Emwothoyo di mcadronutho da tloye.

İrishitho du istatistik defris bu tashroro du tukoso Emwothoyo di mcadronutho da tloye dekgoresh uzuhoro du kensho Emwothoyo mahet eshma:"U generasyon dketyo kafino’. Kmitawdec du qentano du kafno, gedeme ather cala jilat dgedothen ba 15 eshne debqamuthaynaste.

Lfuth utashrorano kmitawdec, ukafno wa muklone dlayben a vitamin dekluzmi lu gushmo du barnosho, kull shato kowen sabab d’2,6 milyone d’tloye dmenqoli ma hayye. Bi netije du kafnano da tloye; dhani dekemjahdi dfayshi ba haye kmekhleq kewe nafshonoye ugushmonoye acmayye.

Bu tashrorano du tukoso di mcadronutho da tloye Save The Children-Redda Barnen defris athmel rushmoyith mawdecste; kul shoctho, kmoyeth be britho hol 300 tloye mu kafno.

Wida dlo mitakle ukafnano, 450 milyone d’tloye be britho dketne laltah ma 15 eshne, gedhowe bsirutho rabtho bgushmayye ufayesh law gedyurwi mcal fothe da kewe dgedmekhleq acmayye. Yacni mcal fothe da kewe uda intihabe dgemekhleq, umeho da tloyani legyorew ulegmishawshet ubi rabuthaththeste fayesh layben dhowen khaloqe.

Beyn da sebwotho dekeme athri cala haye da came faqire de brithoste kito, isbutho du timo da muklone, iaykanoyutho harewto du momuno, ushuhlofo du muzogho wa shuhlofe demoghrafiqoye. 

Ban athrawotho d’Pakistan, Bangladesh, Hend, Peru ubu athro d’Nijeriya, cal dekcole utimo du muklo, ayaqrotho layben doben muklo makfeyono la nacimaththe. An athrawotho d’Turkiya, Kuwait, Meksiko u Malezya, hol dargho qadiri dshufci iaykanoyuthathe du kafno da tloye.