I saqebloyutho d’Suriya rfedla dmeshtawtfo lu funcomo dgemisem calu nomuso esonoyo hatho d’Suriya. A gabe saqebloye lu rejim d’Suriya mawdaclen u olsoyutho lashanaye dmitakle u cnufyo, u qatlo u dmitahwiyo i hirutho la hbishoyeyo.
 

A rishone da gabe saqebloye d’Suriya rfedlen u insiyativ du rishqutno Bashar Al Assad dembayanle u siqumo d’26 mu yarhano yawmo lu funcomo dcalu nomuso esonoyo hatho d’Suriya.

U rishono di sictho di zdirutho athronoyto da hayle du shuhlofo demoqratoye b’Suriya hasan Cabdelcathim, mawdacle dekrofed dmishtawtefi a gabe saqebloye di sictho lu funcomo dgemisem bu yarhano, mu sabab dlemeshtawtafla i saqebloyutho bu tuyobo du nomuso esonoyo demtayabla i sictho dembaynole u rishqutno Al Assad.
 
Bi maqerhonutho dhule Cabdelcathim lu tboco froso merle “ahna lemeshtawtaflan cami sictho demtayabla u nomuso esonoyo, lemeshtawtaflan bu tuyobayde ulekmetyaqanno dgemeshtawtfina lu funcomo”.

Camgabedathe, i saqebloyutho di golutho lembayanla u qedomayda lafi dawse demhalqole Al Assad, elo i sagiyuthayda mawdacla deksendo u insiyativ du Huyodo Caraboyo dektoleb mu rishqutno d’Suriya dmaslem i wolithayde lu mcadrono qadmoyayde udemshakel shultonutho di hdoyutho athronoyto.

U hadomo bu Mawtbo Athronoyo d’Suriya Mulhem Aldrubi rfedle u nomuso esonoyo hatho d’Suriya, ubi mawdconuthayde l’Reuters merle “klozem dmestacfe Al Assad mi wolithayde ucdo. İ shrorutho Bashar Al Assad mawzadle u cnufyo wa qtolcame ulefayeshle rushmoyutho, u ahna lekmahtina nolo cala nomuse esonoyayde catiqe dowen awste hathe”.

Mkhasra hreto, i mdabronutho d’Washington hiyaste rdefla u plan du funcomo dcalu nomuso esonoyo. U malolo du qusro heworo Jay Karni bi maqerhonutho dhule lu tboco froso merle “u medano qashmariye mu qawmo camoyo yo”.