U Kunosho da Tukose Folitiqoye du Camaydan u Kaldoyo-Suryoyo-Othuroyo bu Iraq tleble dmibayen cal khayifo u nomuso esonoyo du qlimo d’Kurdistan. Bcayni zabno, u Kunosho da Tukose Folitiqoye tleble, dlo mishahelfo i madde da 35 du nomuso esonoyo d’Kurdistan.
 

Bi mawdconutho dhule lu frosqolo d’Sawa, u malolo du Kunosho da Tukose Folitiqoye du Camaydan u Kaldoyo-Suryoyo-Othuroyo Diyaa Betres merle “bayn da maddat du nomuso esonoyo du qlimo d’Kurdistan, u mede dketyo mawtherono lu camaydan i madde da 35 yo dketla asirutho cama qalilwotho umthoye du qlimo”.

Betres bi maqerhonuthayde mbayanleste, du camaydan kemtaleb dmiayed khayifo u nomuso esonoyo d’Kurdistan, udlemidakhel bi madde da 35 du nomuso.

A qetre dbayn i shultonutho d’Boghdod wi shultonutho du qlimo d’Kurdistan cal hen ma qonune du nomuso esonoyo du qlimo, ubcayni zabno a talabe dketla i saqebloyutho Kurdistanoyto dhowe awyutho bayn d’kulle a gabe wa hayle folitiqoye cali sbutho du nomuso esonoyo hatho du qlimo, hawen sabab dmishawher u funcomo camoyo dekmenter dmisem calu nomuso esonoyo du qlimo d’Kurdistan.

İ madde da 35 mu nomuso esonoyo d’Kurdistan kobo lu camaydan u zedqo dhowele shultono yothoyo ba dukotho dekhoye ebaye bsagiyutho bu qlimo d’Kurdistan.

65% da arcotho dekhoye ebayye u camaydan bu qlimo d’Kurdistanne, u 35% bu shalwo d’Ninwe’ne.