Mfarqec foquctho bi shawtho cateqto da Suryoye dekmishaklo mi sagiyutho mu camaydan, bi mditho d’Holob bu athro d’Suriya. I foqucthathe dekmote u yuqrayda l’200 grame, ba buqore dsimi mbayin dsimo bi ido.
 

Athmel bi shawtho cateqto da Suryoye bi mditho d’Holob i naqla qamaytoyo dekmeshmec qolo d’furqoco rabo mu zabno demsharele u qawmo b’Suriya me 15 Odor.

Lfuth dmabuco mi mdabronutho da pweles, u qolo deshmic bu shuroyo mawdec d’shotufto du ghaz mfarqeco, elo bether mabuco hreno ma pweles d’Holob mawdacle, du furqoco me kontankt du kahrobo athi luhwoyo, elo ba buqore dsimi nafeq li holo u furqoco hawi me foquctho desnico bi ido.

Bi mawdconutho dhule u mbahnono dcalu gedshano rabhaylawotho Muhammad Ibrahim merle “a buqore mbayanlen di foquctho snico mu samad awkith mu zawlo, u yuqrayda 200 grame'we, u mahtowa camgabed carabana dkemzabno qhutho”.

Rabhaylawotho Ibrahim mawdacle lashan dmaqimi ushkuk dkito cali sbuthathe, hiw wolitho l’grub ma n’ardekhle folhoye dsaymi buqore calu gedsho dhawi.

Bi netije du furqoco dhawi bi shawtho cateqto da Suryoye bi mditho d’Holob belhude hawi husrono maddi ba dukane qariwe mi duktho du furqoco.

I sagiyutho da comure di shawthathe dketyo caleshmed du camaydan udbenyono mu camaydsan, hesh Suryoye’ne.