Bether 4 yarhe bi bethkrihe, Mor Yulyos Abdlahad Gallo Shabo nafeq qum du kensheyde b'yawme

du Cedo di Qyamto d'Moran Yeshuc Mshiho 15 Nison 2012

U mamlo kamilo du Hasyo di Cito Suryoyto Ortodoksoyto di Marcitho du Swed u Skandinavia, Mor Yulyos Abdlahad Gallo Shabo bu yawmo du Cedo di Qyamto d'Moran Yeshuc Mshiho 15 b'Nison 2012 bi Cito d'Mor Yacqub d'Nsibin b'Södertälje. Grosho me Suroyo TV.

Mamla kulle d'Appesqopa Suryaya Ortodoksaya d'Huparkiya d'Swed u Skandinavia Khasyuteh Mar Yulyos Abdlahad Gallo Shabo, go Umra d'Mar Yaqub d'Nsiwen 15 b'Nisan 2012, b'nezbat d'Eda d'Qyamta d'Maran Isho Mshikha.

Magrashta byad Suroyo TV.

10 Nison 2012, u camaydan dekhoye bi erishkoyto Urifoyto b'Bruxelles (Belcika) bi rishonutho du Huyodo Suroyo d’Urifi mahwele u hfukhyayde mqabel u qedomo dhawilen a haylawotho du rejim d’Suriya la hadome du gabo du Huyodo Suryoyo. Ba slogane dmazcaqlen a mtagelyone tleblen mi shultonutho d’Suriya dmitawfeq u hadomo du gabo du huyodo Suroyo dfayesh bu hbushyo.

Harke kiboxu d'hozitu asurotho kulle di taklithathe...

A takliyotho du hfukhyo mqabel du msoko da hadome du gabo du huyodo Suryoyo b’Suriya, ulu tlobo da zedqe du camaydan adyawma msharelen b’Urifi. I taklitho qadmaydo demtaybo mu Huyodo Suroyo d’Urifi ESU simo 6 Nison 2012 bi erishkayto du Swed b’Stockholm qumi izgadutho d’Suriya.

Harke kiboxu d'hozitu asurotho kulle di taklithathe...

10 Nison 2012, u Huyodo Suroyo d’Urifi ESU mtayable taklitho bi erishkoyto d’Almanya Berlin qumi izgadutho d’Suriya, leshan utlobo da zedqe du camaydan bu athro d’Suriya. Li taklithathe dmasle uhjomo dsim cala abne du camaydan b’Suriya, u ajans rabo da tebe Reuters’ste hadiro’wo.

Harke kiboxu d'hozitu asurotho kulle di taklithathe...

U Huyodo Suroyo d'Urifi ESU kemtayeb hfitutho du duxrono da 97 eshne du Qtolcamo mayiro dan 1915 d'semla i Osmanliye calu camo Kaldoyo-Suryoyo-Othuroyo, calan Armnoye wa Yawnoye Pontusoye. U dukhronano gedmisem b'yawme du dukhrono du Sayfo, 24 Nison 2012 bu salon du fros-hezwaydan d'Suroyo TV bi shoctho da 18.00. Kito tahrazto sagi caterto du dukhrono da 500.000 Kaldoye-Suryoye-Othuroye d'qtili b'barbroyutho ban 1915.

U Huyodo Suryoyo d'Almanya HSA wu Hudro Oromoyo di Mardtutho u du Sport d'Kirchhart, kemtaybi turgomo calu qtolcamo du Sayfo dan 1915. Bu turgomano Yawsef Beth Turo (gelyunoro b'Suroyo TV) gemahke b'rwihutho calu Sayfo mayirano d'semme a Osmanliye (an abohotho da Turkoye d'adyawma) wu gemfane cala shuwolathkhu bi sbuthathe. Camgabedathe, gmefres u documentar d'Zacqa d'Lo Qolo calu Sayfo dan 1915.

Adshato, Suroyo TV gemcayed u Cedo di Qyamto d'Moran Yeshuc Mshiho camu camaydan d'kityo bu athro d'Hollanda. U salon di Cito d'Yoldath Aloho b'Hengelo gedsoyem baytoyutho li tahrazthe idilonoyto. Bi tahraztayde degmefroso hayo 15 bu yarhano b'yawme du Cedo, kito zamore Aziz Saliba, Nouman Kas Elias, Wassim Hanna, Simon Yuhanon u Samuel Bakir. Kito'ste gudo du koral, maqeblonwotho (interviews) u lottery du Cedo. Toxu sagiye!

GALA DA 8 D'SUROYO TV

01.10.2011 B'MÄRSTA (Sweden)

I Gala da 8  du yawmo shatonoyo da 7 eshne d’SuroyoTV, b'fsihutho rabtho mcaydo bi mditho d'Märsta bu athro du Swed.  I Galathe, cam zmoro, mamle u raqde; hol la shoce mcawqe du lalyo mdawamla. Bi galathe demyaqri 6 mshatsone hathe, simstene u grosho du lottery di radeyto Toyota Auris Hybrid dnafiqo lu athro d’Almanya.